Новости 13:00 20.12.2023
Дипломат Муктар Жумалиевдин мейман дарсы
2023-жылдын 7-декабрында «Товар таануу, бажы экспертизасы жана ресторан бизнеси» кафедрасы Э.К. Ɵмуралиев атындагы университеттин Соода саясаты Борбору менен бирдикте «Көп тараптуу соода институттары – сүйлөшүүлөрдү жүргүзүүнүн техникасы: дипломаттын теориясы жана практикасы» деген темада мейманчылык дарсын уюштурду.
Дарсты интерактивдик жол менен КР Атайын жана Ыйгарым укуктуу элчиси, Кыргызстандын АКШ жана Канададагы мурдагы элчиси Муктар Жумалиев өткөрдү.
Дарста башкы көңүл КР кечээ жакындагы жана азыркы кездеги соода саясатына, өлкөнүн Бүткүл дүйнөлүк соода уюмундагы ордуна, ЕАЭБ, КМШ, ЕБ мамлекеттери менен болуп жаткан өз ара соода алакаларына бурулду. Мейманчылык дарсты аталган кафедранын жана «Тышкы экономикалык ишмердик» профилинин студенттери жана окутуучулары угушту.
Зор кызыгуу менен алар суроолор менен мейманга кайрылышып, талкуу жаратышты. Ал суроолордун кээ бири булар: коңшу мамлекеттер менен болуп жаткан өз ара сооданын азыркы абалы жана келечеги, Кыргызстандын чет өлкөлөрдөгү соода өкүлчүлүктөрүндө дипломат болуп иштөөнүн шарттары, дипломатиялык сүйлөшүүлөрдү соода алакалары боюнча жүргүзүнүн кээ бир өзгөчөлүктөрү ж.б.
Бул дарстын темасынын негизинде кафедранын окуу программаларына кошумча сабакты киргизүү маселеси да талкууланды.
Сүрөттөргө шилтеме
latest_news
МЫКТЫ КУРСТУК ИШ - III ДАРАЖАДАГЫ ДИПЛОМ
16:40 30.04.2024
ЛУЧШАЯ КУРСОВАЯ РАБОТА - ДИПЛОМ III СТЕПЕНИ
12:00 30.04.2024
Өзбекстандын Элчиси КЭУнун студенттерине мейман дарсын окуду...
15:55 26.04.2024
НИУ «КЭУ им. М. Рыскулбекова» успешно прошел аккредитацию...
14:05 25.04.2024
